ᑐᑭᒧᐊᒃᑎᑦᑎᔨ: ᓇᑖᖅ ᐅᖓᓚᖅ ᐊᒻᒪᓗ ᒋᐅᓪᒻ ᐃᑦᑐᒃᓴᕐᔪᐊᑦ ᓴᓛᑕᓐ
ᓴᖅᑭᑎᑦᑎᔨ: ᐃᒡᓗᓕᒃ ᐃᓱᒪ ᑐᑭᒧᐊᒃᑎᑦᑎᔨᑦ 2001

ᑕᕆᔮᓕᐊᖑᔪᖅ ᓯᕗᓪᓕᖅᐸᒥ ᐱᓕᕆᕙᓪᓕᐊᖃᑦᑕᓕᖅᑎᓪᓗᒋᑦ ᐱᖑᐊᖅᑎᖏᑦ ᐃᒡᓗᓕᒃ ᓄᓇᕗᒥ, ᑲᓇᑕᐅᑉ ᐅᑭᐅᖅᑕᖅᑐᖓᓐᓂ. ᐊᐅᔭᒃᑯᑦ 2000-ᒥ, ᒪᓐᑐᕆᔮᓪ ᐃᓕᓐᓂᐊᖅᑎᖏᑦ  Montreal’s National Circus School- ᒥ , ᐃᒡᓗᓕᖕᒧᑦ ᑎᑭᓯᒪᓚᐅᖅᓯᒪᖕᒪᑕ ᐃᓕᓐᓂᐊᖅᑎᑦᑎᔭᖅᑐᖅᖢᑎᒃ ᐊᐅᓚᔭᐅᕙᒃᑐᓂᒃ ᓲᑲᔅᒥ (circus), ᓴᖅᑭᑎᑦᑎᔪᒪᓪᓗᑎ ᓄᓇᓕᖕᓄᑦ ᐊᐅᔭᐅᑉ ᓄᖑᐊᓂ. ᐱᓕᕆᐊᕆᔭᕐᒥᓂᒃ ᐅᐱᒋᔭᖃᓕᖅᐸᒃᖢᑎᑦ, ᐃᓛᓐᓂᓗ ᐊᐃᑦᑖᕈᓱᓚᐅᖅᐸᒃᖢᑎ, ᓴᖅᑭᑦᑐᒪᔭᕐᒥᖕᓂᒃ ᐃᓱᒪᒋᔭᖃᖅᐸᖅᖢᑎᒃ, ᖁᖏᐊᖅᑕᐅᓂᐊᕐᓂᕆᔭᖏᓐᓄᑦ ᐊᖅᑭᒃᓱᐃᕙᓚᐅᖅᐳᑦ. ᑕᐃᒪᐅᓚᐅᖅᑎᓪᓗᒍ ᖃᐅᔨᒪᓕᓚᐅᖅᓯᒪᕗᑦ ᖃᓄᑐᐃᓐᓇᖅ ᓴᖅᑭᑎᑦᑎᔪᒪᓐᓂᕋᖓᑦᑕ ᐱᓕᕆᕙᓪᓕᐊᕙᒡᓗᑕ ᑭᓯᐊᓂ ᐃᖏᕋᕙᓪᓕᐊᔪᓐᓇᕋᑦᑕ ᐃᓅᓯᑦᑎᓐᓂ.