ᐃᓚᒋᔭᐅᔪᑦ
 |
ᑕᐃᓯ ᐃᖃᕐᓴᖅ |
 |
ᑎᐅᕆᒃ ᐊᕿᐊᕈᖅ |
 |
ᑕᐃᒥᐊᓐ ᑐᓗᒐᕐᔪᒃ ᑕᐃᒥᐊᓐ ᐅᑭᐅᖅᑕᖅᑐᑉ ᐱᖑᐊᖅᑎᒻᒪᕆᖓᓐ, ᑕᐃᑲᖓᓐ ᑕᐃᔭᐅᕙᒃᑐᖅ Arctic Winter Games, ᓵᓚᒃᓴᖅᓯᒪᔪᖅ ᖁᑦᑎᖕᓂᖅᐸᒥ ᐊᕿᒋᐊᖅᓯᓂᕐᒥ, ᐃᒡᓗᐃᓐᓇᕐᒧᑦ ᕿᒡᒋᕐᖢᓂ, ᑕᐃᒥᐊᓐ ᐃᒡᓗᓕᖕᒥᐅᓂᑦ ᐱᖑᐊᖅᑎᒻᒪᕆᐅᓛᖑᕗᖅ. ᐊᖅᓯᒃᑯᓐᓂ ᐃᓚᐅᖃᖅᑕᓕᓚᐅᖅᓯᒪᔪᖅ 2009-ᖑᑎᓪᓗᒍ, ᕿᓚᒥᐊᓗᒡᓗ ᐃᓕᐸᓪᓕᐊᓕᓚᐅᖅᓯᒪᔪᖅ ᐃᖃᖏᓐᓂᕐᒥᒃ, ᖁᖏᐊᖅᑕᐅᖃᑕᐅᖃᑦᑕᖅᓯᒪᔪᖅ France-ᒥ, ᓄᓇᓕᓂᒡᓗ ᑲᓇᑕᒥ. ᑕᐃᒥᐊᓐ ᓂᕈᐊᖅᑕᐅᓚᐅᖅᐳᖅ ᖃᒡᒋᐊᕗᒃᑯᓐᓂ, ᓯᕗᓪᓕᖅᐸᑦᑎᐊᕐᒥ ᐊᖅᑭᒃᑕᐅᓯᒪᔪᒥᒃ ᐱᖑᐊᖅᑏᑦ ᐃᓕᓐᓂᐊᖅᑎᑦᑎᕙᒃᖢᑎᒃ ᐃᓄᖕᓂ ᐊᔪᖏᑕᕐᒥᖕᓂᒃ. ᑕᐃᒪᖓᓂ ᐊᖅᓯᒃᑯᑦ ᐱᖑᐊᖅᑎᖏᓐᓄᑦ ᐊᔪᕈᓐᓂᖅᓴᖅᑕᐅᕙᓪᓕᐊᔪᓂᒃ ᐋᖅᑭᒃᓱᐃᔨᒋᔭᐅᕙᒃᐳᖅ, ᐃᖅᑲᓇᐃᔭᖃᑎᒋᕙᒃᖢᓂᒋᓪᓗ ᖃᒡᒋᐊᕗᒃᑯ, ᓄᓇᕗᑦ ᓄᓇᓕᖕᓄᖓᐅᕙᒃᖢᓂ ᐃᓕᓐᓂᐊᖅᑎᑦᑎᔭᖅᑐᕐᓗᓂ ᖁᑦᑎᒃᑐᒥᒃ ᐊᖅᑭᓯᓂᕐᒥᒃ. |
 |
ᒋᐅᓪᒻ ᓴᓚᑕᓐ ᕿᑐᖓᕆᔭᐅᔪᖅ ᐃᑦᑕᕐᓂᓴᖅᑐᓕᕆᔨᒃᑯᓐᓄᓐ, ᒋᐅᓪᒻ ᐊᐅᔭᐅᓕᑕᒫᑦ ᐃᒡᓗᓕᖕᒦᑉᐸᓚᐅᖅᐳᖅ, 15-ᓂᒃ ᐅᑭᐅᖃᓕᖅᑎᓪᓗᒍ ᑭᖑᓕᖅᐹᕆᓪᓗᓂᐅᒃ. ᐃᓕᓐᓂᐊᕐᕕᒡᔪᐊᕐᒥ ᐃᓕᓐᓂᐊᕋᓂᒃᑲᒥ ᑯᐸᒃ ᓄᓇᖓᓐᓂ, 1998-ᖑᑎᓪᓗᒍ ᐃᒡᓗᓕᖕᒧᑦ ᐅᑎᕆᐅᓕᕐᓂᖅᐳᖅ, ᑕᐃᔅᓱᒪᓂ ᐃᓕᓐᓂᐊᒃᑲᓐᓂᖅᐸᓪᓕᐊᓪᓗᓂ National Circus School-ᒥᓐ, ᐃᒡᓗᓕᖕᒥᓐᓂᖓᓂ ᒪᒃᑯᒃᑑᖃᑎᖏᑦ ᒪᒃᑯᒃᑐᓕᕆᔨᒃᑯ ᑲᑎᒪᔨᖏᓐᓃᑦᑐᑦ ᑲᑎᖃᑎᒋᓕᕐᓂᖅᐸᐃᑦ, ᐱᒋᐊᖅᑎᑦᑎᓕᖅᖢᑎ ᑕᐃᔭᐅᔪᕐᒥᒃ ᐃᓅᓯᖅ. ᒋᐅᓪᒻ ᐊᕐᕌᒍᓂᒃ ᑎᓴᒪᓂᒃ ᓱᒃ ᐃᓗᐊᒃᑯᓐᓄ (Cirque Éloize) ᐱᖑᐊᖅᑎᐅᖃᑕᐅᓪᓗᓂ ᓄᒪᑦ-ᒧᑦ, (Nomade) ᐊᐅᓚᑦᑎᔨᖓᓐ ᖃᐅᔨᒪᔭᐅᑦᑎᐊᖅᑐᖅ ᑕᓂᐅᓪ ᕕᓐᔅ ᐸᔅᑲ (Daniele Finzi Pasca). ᑕᐃᒪᖓᓂᑦ 2005-ᖑᓚᐅᖅᑎᓪᓗᒍ, ᒋᐅᓪᒻ ᐱᓕᕆᐊᕆᖃᑦᑕᖅᑕᒥᓂᒃ ᐱᒻᒪᕆᒋᔭᖃᖅᓯᒪᑦᑎᐊᖅᐳᖅ ᐃᒡᓗᓕᖕᒥ ᒪᒃᑯᒃᑐᖏᓐᓂᒃ ᐃᑲᔪᕋᓱᒃᐸᒃᑐᖅ. |
 |
ᔮᑭ ᖁᓐᓄᑦ ᔮᑭ ᐊᖅᓯᒃᑯᓐᓂ ᐃᓚᐅᓕᓚᐅᖅᐳ 2004-ᖑᑎᓪᓗᒍ, ᐊᖅᓯᖅ ᐱᖑᐊᖅᑎᖏᑦ ᖁᖏᐊᖅᑕᐅᓂᐊᓕᕋᖓᒥᒃ, ᖁᖏᐊᕐᕕᐅᓂᐊᖅᑐᖅ ᐅᐊᔭᓕᖅᓱᖅᐸᒃᖢᓂᐅᒃ, ᐃᑯᒪᒋᔭᐅᔪᑦ ᐊᔾᔨᒋᖏᑦᑐᑦ ᑕᖅᓴᖏᑦ ᓴᖅᑭᑎᑲᑕᒃᐸᒃᖢᓂᒋᑦ. ᓯᕕᑭᑦᑐᒥᒃ ᖁᖏᐊᖅᑕᐅᖃᑦᑕᓕᓚᐅᖅᐳᖅ ᓯᒃᑲᖓᔮᖅᑐᖑᔭᖅᖢᓂ, ᐊᑯᓂᐅᖏᑦᑐᖅ ᐃᓕᓐᓂᐊᖅᑎᑦᑎᖃᑕᐅᕙᓕᓚᖅᐳᖅ ᐱᖑᐊᖅᑎᐅᓂᕐᒥᒃ. ᐊᐅᓪᓚᖃᑦᑕᖅᓯᒪᕗᖅ ᓄᓇᕐᔪᐊᒥ ᓇᓂᑐᐃᓐᓈᓗᒃ; ᑎᒻᐸᒃᑑᒧᑦ (Timbuktu), ᒍᕇᔅᒧᑦ (Greece), ᒥᒃᓯᑯᒧᑦ (Mexico) ᕗᕐᕋᔅᒧᓪᓗ (France). ᐃᒡᓗᓕᖕᒥ ᕿᑐᕐᖓᖏᓐᓂᒃ ᐸᖅᑭᓲᖑᕗᖅ, ᐊᖅᓯᒃᑯᓪᓗ ᐱᖑᐊᕐᕕᖓᓐᓂᒃ ᐊᐅᓚᑦᑎᔨᒋᔭᐅᓪᓗᓂ, ᑕᐃᔭᐅᔪᖅ ᐸᓚᒃ ᐸᒃᔅ (Black Box). |
 |
ᔭᓂ ᐊᑕᒍᑦᑎᐊᖅ ᔭᓂ ᐊᖅᓯᒃᑯᓐᓂ ᐃᓚᐅᓕᓚᐅᖅᐳᖅ 2007-ᖑᑎᓪᓗᒍ, ᐊᔪᕈᓐᓂᖅᓴᖅᐸᒃᖢᓂ ᐃᖃᖏᓐᓂᕐᒥᒃ, ᓇᐸᔭᕋᑲᑕᖕᓂᕐᒥᒃ (contortion), ᐊᒡᒐᒥᑦ ᐊᒡᒐᒧᑦ ᓇᐸᖃᑦᑕᐅᑎᓂᕐᒥᒃ (ᐃᓄᒃ ᓇᖏᕐᓗᓂ ᐃᓄᖕᒥ ᓂᐊᖁᖓᑦᑕ ᖁᓛᓂᑎᑦᑎᓗᓂ ᐊᒡᒐᒥᑦᑎᒍᑦ ᑎᒍᒥᐊᕋᒥᒃ ᖁᓛᓂᑦᑐᖅ ᓇᑉᐸᖓᓪᓗᓂ) (hand-to-hand). ᐊᓈᓇᒋᔭᐅᔪᖅ ᐳᕆᔭᓇᒧᑦ ᕗᐊᔅᓕᒧᓪᓗ, ᐃᓚᐅᖃᑦᑕᖅᓯᒪᖕᒥᔫᒃ ᖁᖏᐊᖅᑕᐅᓕᕋᖓᒥᒃ ᐊᓈᓇᖓᓐ. ᐊᖅᓯᖅ ᔭᓂᐅᑉ ᐱᓐᓇᕆᒋᕙᖓ ᓱᓕ ᒪᓐᓇᒧᑦ ᑎᑭᖦᖢᓂ. |
 |
ᔨᒥ ᖃᒧᒃᑲᖅ ᔨᒥ ᐱᖑᐊᖅᑎᑦᑎᐊᕙᑐᖃᐅᕗᖅ ᐃᓄᐃᑦ ᐱᖑᐊᕈᓯᖏᓐᓂᒃ ᑕᐃᒪᖓᓂᒃ ᒪᒃᑯᖕᓂᕐᒥᓂ, ᐱᖑᐊᖅᑎᐅᖃᑕᐅᕙᓚᐅᖅᐳᖅ ᐅᑭᐅᖅᑕᕐᑐᕐᒥᐅᑕᑦ ᐱᖑᐊᖅᑎᓗᒃᑖᖏᑦ ᑲᑎᒃᑳᖓᑎᒃ, ᐊᕿᓯᖃᑦᑕᖅᖢᓂ ᐃᒡᓗᐃᓐᓇᕐᒥᒃ (One-Legged High Kick). ᐊᖅᓯᒃᑯᓂ ᐃᓚᐅᓕᓚᐅᖅᐳᖅ 2004-ᖑᑎᓪᓗᒍ, ᐊᔪᕈᓐᓂᖅᓴᖃᑕᐅᕙᒃᖢᓂ ᐃᖃᖏᓐᓂᒥᒃ, ᖃᖓᑦᑕᑲᑕᖕᓂᕐᒥᒃ, ᓯᒃᑲᖓᔮᕐᓂᕐᒥᒡᓗ. ᔨᒥ ᓄᓇᕐᔪᐊᒥ ᐊᐅᓪᓚᖃᑦᑕᓯᒪᕗᖅ ᐱᖑᐊᖅᑎᐅᖃᑎᖏᓐᓂ ᖁᖏᐊᖅᑕᐅᔭᖅᑐᖃᑎᖃᖅᐸᒃᖢᓂ, ᐃᒡᓗᓕᖕᒥ ᐃᓕᓐᓂᐊᖅᑎᑦᑎᖃᑦᑕᖅᑐᖅ ᐱᖑᐊᖅᑎᐅᓂᕐᒥᒃ ᐸᓪᒃ ᐸᒃᔅᒥ. ᐊᖅᓯᒃᑯᓐᓂ ᐃᓕᖃᑦᑕᖅᓯᒪᔭᖏᑦ ᐃᒡᓗᓕᖕᒥᐅᑕᐅᖃᑎᖏᓐᓄᑦ ᐃᓕᓐᓂᐊᖅᑎᑦᑎᖃᑕᐅᕙᒃᑐᖅ, ᐃᓄᓯᖃᑦᑎᐊᕋᓱᖕᓂᕐᒥ ᓴᕿᔮᖅᑎᑦᑎᖃᑕᐅᔪᒪᒐᒥ. |
 |
ᓂᑭᑕ ᐅᖓᓛᖅ ᓂᑭᑕ ᐊᖅᓯᒃᑯᓐᓂ ᐃᓚᐅᓕᓚᐅᖅᐳᖅ 2005-ᖑᑎᓪᓗᒍ, ᖁᓕᓪᓗ ᒪᕐᕉᖕᓂ ᐅᑭᐅᖃᖅᖢᓂ. ᐃᓕᓐᓂᐊᖃᑦᑕᖅᓯᒪᓚᐅᖅᖢᓂ ᑕᐃᒪᖓᓂᓐ ᐅᕿᑦᑐᑯᓗᒃᑐᑦ ᖃᖓᑦᑕᑲᑕᖃᑕᐅᕙᒃᖢᓂ, ᐃᖃᖏᑦᑎᐊᕈᓐᓇᖅᖢᓂᓗ. ᐊᑕᒍᑦᑖᓗᒃ ᐃᓕᓐᓂᐊᕐᕕᐊᓐᓂ ᐃᓕᓐᓂᐊᕋᓂᓚᐅᖅᐳᖅ 2014-ᖑᑎᓪᓗᒍ, ᐃᓐᓇᐃᓐ ᐃᓕᓐᓂᐊᕐᕕᖓᓐᓂ ᑎᑎᕋᖅᑎᐅᓂᕐᒥᒃ ᐃᓕᓐᓂᐊᖅᓯᒪᓪᓗᓂᓗ. ᐅᓪᓗᒥᐅᔪᖅ ᐊᖅᓯᒃᑯᓐᓂ ᐃᓚᐅᖃᑕᐅᕙᒃᐳᖅ ᓱᓕ, ᐃᓕᓐᓂᐊᖅᑎᑦᑎᖃᑕᐅᕙᒃᖢᓂ ᐸᓚᒃ ᐸᒃᔅᒥ, ᐃᓄᐃᑦ ᐃᓕᖅᑯᓯᖏᓐᓂᒃ ᑐᕌᖓᔪᓂᒃ ᓴᖅᑭᑎᑦᑎᓇᓱᖅᑲᑕᐅᕙᒃᐳᖅ. |
 |
ᕇᓇ ᖁᓕᑦᑕᓕᒃ ᕇᓇᐅᑉ ᐱᖑᐊᖅᑎᐅᖃᑦᑕᕐᓂᕆᔭᖓᓐ ᐱᒋᐊᒻᒪᕆᓕᓚᐅᖅᓯᒪᔪᖅ 2001-ᖑᑎᓪᓗᒍ, ᐃᓚᐅᖃᑕᐅᓚᐅᖅᓯᒪᓂᖓᓐᓄᑦ ᓵᓚᒃᓴᖅᓯᒪᔪᒥᒃ ᑕᕆᔮᓕᐊᖑᓪᓗᓂ ᑕᐃᔭᐅᔪᖅ ᐊᑕᓈᕐᔪᐊᑦ ᐅᕿᓚᔪᐊᓗᒃ. ᐊᖅᓯᒃᑯᓐᓂ ᐃᓚᐅᖃᑦᑕᓕᓚᐅᖅᓯᒪᔪᖅ 2005-ᖑᑎᓪᓗᒍ, ᖃᓄᑐᐃᓐᓇᑦᑎᐊᖅ ᐱᖑᐊᕈᓐᓇᖅᖢᓂ ᖁᖏᐊᖅᑕᐅᓕᕌᖓᑎᒃ, ᓄᑭᖏᓐ ᓴᖏᑦᑎᐊᖅᖢᑎᒃ, ᐃᓪᓗᑭᓵᕈᓐᓇᖅᖢᓂᓗ. ᐃᓄᐃᑦ ᐱᖁᓯᖏᓐᓂᒃ ᖃᐅᔨᒪᔭᖃᑦᑎᐊᕐᑐᖅ, ᐊᖅᓯᒃᑯᓐᓄᑦ ᖃᐅᔨᒪᔨᐊᕆᔭᐅᕙᖕᒥᔪᖅ ᐃᓄᐃᑦ ᐱᖁᓯᖏᑦᑕ ᒥᒃᓴᓄᑦ. |
 |
ᑎᐅᕆ ᐅᔭᕋᒃ ᑎᐅᕆ ᐃᓱᒪᑕᕆᔭᐅᕙᒃᐳᖅ ᐊᖅᓯᒃᑯᒃ ᐃᓚᖏᓐᓂ. ᐊᖅᓯᒃᑯᓐᓂ ᐃᓚᐅᕙᓕᓚᐅᖅᓯᒪᔪᖅ 2006-ᖑᑎᓪᓗᒍ, ᐃᖏᖅᑎᐅᖃᑦᑕᖅᖢᓂ, ᐃᓪᓗᑭᓵᖅᑎᐅᖃᑕᐅᕙᒃᖢᓂ, ᐱᖑᐊᖅᑎᐅᖃᑕᐅᕙᒃᖢᓂᓗ. ᐊᖑᓇᓱᒋᐊᖅᖢᓂ ᖁᕕᐊᒋᑦᑎᐊᖅᑕᖓ, ᐊᖅᓯᒃᑯᑦ ᐱᖑᐊᖅᑎᖏᓐ ᓄᓇᒧᑦ ᐊᐅᓪᓚᑲᑕᖃᑦᑕᕐᓂᕆᔭᖏᓐᓂ ᐊᐅᓚᑦᑎᔨᐅᖃᑕᐅᖃᑦᑕᖅᓯᒪᔪᖅ. ᐅᓪᓗᒥᐅᔪᖅ ᒪᒃᑯᒃᑐᓄᑦ ᐱᓕᕆᐊᕆᔭᐅᖃᑦᑕᖅᑐᓂᒃ ᓴᖅᑭᑎᑦᑎᔨᐅᔪᖅ, ᐃᓄᐃᑦ ᐱᖁᓯᑐᖃᖅᑐᓕᕆᔨᒃᑯᓐ ᑎᑎᕋᕐᕕᖓᓐᓂ ᓄᓇᕗᑦ ᒐᕙᒪᖓᓐᓂ. |
 |
ᓯᓕᓇ ᑲᓪᓗᒃ ᓯᓕᓇ ᖃᓄᑐᐃᓐᓇᖅ ᐊᔪᖏᑕᖃᖅᑐᖅ ᐊᐅᓱᐃᑦᑐᖅ, ᓄᓇᕗᑦᒥᐅᑕᒃᓴᔭᐅᓪᓗᓂ, ᓄᓇᕐᔪᐊᓕᒪᒧᑦ ᐊᐅᓪᓚᖃᑦᑕᖅᓯᒪᓂᑯᓕᖅᑐᖅ ᑕᑯᕋᓐᓇᖅᑎᑦᑎᔭᖅᑐᖅᖢᓂ ᐃᓄᐃᑦ ᐱᖁᓯᖏᓐᓂᒃ. ᑲᑕᔾᔭᕈᓐᓇᑦᑎᐊᕐᓂᖓᓐᓄᑦ ᖁᖏᐊᖅᑎᑦᑎᖃᑕᐅᓕᓚᐅᕐᒥᔪᖅ ᕙᓐᑰᕗ ᐅᑭᐅᒃᑯᑦ ᐱᖑᐊᕕᒡᔪᐊᕐᓂᐅᑎᓪᓗᒍ (Arctic Winter Games) 2010-ᒥ, ᑯᐃᓐ ᐃᓕᓴᐱ ᐃᒡᓗᕐᔪᐊᖓᓐᓂ ᑐᖓᓱᒃᑎᑕᐅᖃᑕᐅᓂᑯᖕᒥᔪᖅ ᑲᑕᔾᔭᖅᖢᓂ ᖁᖏᐊᖅᑕᐅᓪᓗᓂ 2012-ᒥᑦ. ᓯᓕᓇ ᐃᖏᐅᓯᓕᐅᖃᑦᑕᖅᓯᒪᔪᖅ ᓂᐱᓕᐅᕆᕙᒃᖢᓂᒋᑦ, ᑐᓴᒐᒃᓴᐅᓪᓗᑎᒃ ᐊᖅᓯᖅ ᓂᐱᓕᐅᕆᖃᑦᑕᖅᓯᒪᔭᖏᓐᓂᒃ. ᕿᒥᕐᕈᐊᓕᐅᖅᓯᒪᖕᒥᔪᖅ ᑕᐃᔭᐅᔪᒥᒃ ᑯᓗᖑᓇ (dearest Kuluk) ᕿᒥᕈᐊᓕᐊᕆᔭᐅᓯᒪᔪᖅ ᐃᓐHᐊᐱᑕᑦ ᒥᑎᐊᒥᒃ, ᒪᓐᓇᐅᓯᒪᔪᖅ ᐃᓄᐃᑦ ᐊᓐᓄᕌᕆᕙᒃᑕᖏᓐᓂᒃ ᐊᓐᓄᕌᓕᐅᖃᑦᑕᖅᑐᖅ. ᐃᖃᓗᐃᑦ ᓄᓇᕗᑦᒥ ᓄᓇᖃᖅᓯᒪᓕᖅᑐᑦ ᐃᓚᒋᑦ, ᐃᓕᓐᓂᐊᖃᑦᑕᖅᑐᖅ ᐃᓕᓴᐃᔨᒃᓴᐅᓂᕐᒥᒃ ᓯᓚᑦᑐᒃᓴᕐᕕᖕᒥ. |
 |
ᕕᓂᓴ ᓂᐊᓪ ᕕᓂᓴ ᐊᖅᓯᒃᑯᓐᓄᑦ ᑎᑎᕋᖅᑎᒋᔭᐅᔪᖅ, ᐊᖅᑭᑦᑎᐊᖅᓯᒪᑎᖦᖢᓂᒋᑦ ᐱᓕᐊᒃᓴᕆᔭᐅᕙᒃᑐᑦ, ᐱᓕᕆᐊᒃᓴᐅᓛᖅᑐᓪᓗ, ᑭᓇᐅᔭᓕᕆᔨᐅᓪᓗᓂᓗ. ᐱᖑᐊᖅᑎᐅᓂᐅᑉ ᒥᒃᓵᓄᑦ ᖃᐅᔨᒪᓪᓗᓂ, ᓇᖕᒥᓂᖃᕐᓂᕐᒥᓪᓗ ᐃᓕᓐᓂᐊᖅᓯᒪᓪᓗᓂ, ᐱᒃᑯᒋᔭᖏᑦ ᐊᑕᐅᓯᖑᖅᑎᖦᖢᓂᒋᑦ ᐊᖅᓯᒃᑯᓐᓄᑦ ᑎᑎᕋᖅᑎᐅᓕᖅᐳᖅ, ᖃᕆᑕᐅᔭᒃᑯᑦ ᑎᑎᕋᑲᑕᓯᒫᑦ, ᒧᒥᖅᑎᐅᓪᓗᓂ, ᓯᒃᑲᖓᔮᖅᑎᐅᓪᓗᓂ, ᐃᖃᐃᓕᓴᖅᑎᐅᓪᓗᓂᓗ. ᖁᕕᐊᒋᔭᖃᑦᑎᐊᖅᐳᖅ ᐊᖅᓯᒃᑯᓐᓂ ᐃᓚᒋᔭᐅᔪᓐᓇᓕᕋᒥ. |
 |
ᑲᐅᕋ ᑎ ᔅᑕᐅᓗ ᑲᐅᕋ ᑎ ᔅᑕᐅᓗ ᐊᖅᓯᒃᑯᑦ ᑎᑎᕋᖅᑎᒋᓚᐅᖅᑕᖓᓐ 2007-ᒥᑦ 2014-ᒧᑦ, ᐊᖅᓯᒃᑯ ᑭᓇᐅᔭᖏᑦ ᑲᒪᒋᓪᓗᓂᒋᑦ, ᐱᓕᕆᐊᕆᔭᐅᕙᒃᑐᑦ ᐊᖅᑭᑎᐊᖅᓯᒪᖕᒪᖓᑦ ᐅᔾᔨᖅᓱᖅᑎᐅᓪᓗᓂ, ᑐᓴᐅᒪᑎᑦᑎᔨᐅᓪᓗᓂ, ᑎᑎᕋᖅᑎᐅᓪᓗᓂᓗ. ᐱᓕᕆᒃᑲᐅᒐᒥ ᐊᖅᓯᒃᑯᓐᓂᒃ ᐃᑲᔪᖅᓯᒪᕐᔪᐊᖅᐳᖅ. ᐃᒡᓗᓕᖕᒧᑦ ᐳᓛᖅᓯᒪᓕᖅᐳᖅ ᐱᖓᓱᐃᖅᓱᖅᖢᓂ, (2008-ᒥ, 2010-ᒥᑦ, 2012-ᒥᓪᓗ). ᐊᐅᓪᓚᖃᑦᑕᖅᓯᒪᕗᖅ ᓄᓇᕐᔪᐊᒥ ᐊᖅᓯᒃᑯᓐᓄᑦ ᑲᒪᔨᐅᖃᑕᐅᓪᓗᓂ ᐱᖑᐊᖅᑎᖏᓐᓄᑦ. ᑕᒡᕙ ᐅᐸᒃᓯᒪᔭᖏᑦ: ᑐᓗᔅ (France), ᑲᓇᑯᕆ (Guinea). ᐱᖑᐊᖅᑎᐅᓂᐅᑉ ᒥᒃᓵᓄᑦ ᐱᓕᕆᐊᖃᖅᑲᑦᑕᖅᓯᒪᒐᓗᐊᖅᑎᓪᓗᒍ ᐊᓕᐊᓇᐃᒋᔭᖃᕐᒥᔪᖅ ᐸᐃᓯᑯᑲᑕᒃᖢᓂ, ᓄᓇᒥ ᐱᓱᕋᔭᒃᓯᒪᓪᓗᓂ, ᐳᖅᑐᔪᓄᓪᓗ ᓄᓇᒧᓐ ᒪᔪᕋᑲᑕᒃᖢᓂ. |
 |
ᐊᓂ ᑎᓯᓕ ᓯᕗᓪᓕᕐᒥ ᐃᓚᐅᖃᑦᑕᓕᓴᖅᑎᓪᓗᒍ ᐱᓕᕆᔭᐅᕙᓪᓕᐊᔪᓂᒃ ᐊᐅᓚᑦᑎᔨᐅᕋᓪᓚᓚᐅᖅᖢᓂ, ᐊᔾᔨᒋᖏᑦᑐᕈᓗᔭᕐᓂ ᐱᓕᕆᐊᖃᖅᓯᒪᓕᖅᑐᖅ ᐊᖅᓯᒃᑯᓐᓄᑦ ᑕᐃᒪᖓᓂ 2010-ᓂ. ᐱᒋᐊᖅᑎᑦᑎᖃᑕᐅᓚᐅᖅᓯᒪᔪᖅ ᐊᕐᓇᐃᓐ ᖃᐅᔨᒪᔭᖏᓐᓂᒃ ᐃᓕᓐᓂᐊᖅᑎᑦᑎᓂᖅ ᐃᓅᖃᑎᒥᖕᓄᑦ, ᐊᐅᔭᒃᑯᑦ ᐊᐅᓪᓛᖅᖢᑎᒃ (Women’s Sharing Knowledge Traditional Summer Camp). ᐊᐅᓚᑦᑎᔨᐅᖃᑦᑕᖅᓯᒪᓚᐅᕐᒥᔪᖅ ᐊᖅᓯᒃᑯᒃ ᐱᓕᕆᐊᒃᓴᖏᓐᓂᒃ, ᐊᖅᓯᖅ ᖃᕆᑕᐅᔭᖓᑦᑎᒍᑦ ᑎᑎᕋᖅᑎᒋᔭᐅᕙᓚᐅᕆᓪᓗᓂ. ᒪᓐᓇᐅᔪᖅ ᐃᓕᓐᓂᐊᖃᑕᖅᑐᖅ ᑯᐸᒃᒥ ᑎᑭᑉᐸᒃᑐᓄᑦ ᑐᖓᓵᔨᐅᓂᕐᒥᒃ. |